iPhone 8: чаго чакаць ад юбілейнай навінкі Apple
- 1.09.2017, 19:08
- 16,651
Кампанія Apple прэзентуе смартфон iPhone 8 12 верасня.
Афіцыйная прэзентацыя юбілейнага смартфона ад Apple адбудзецца восенню 2017 года, а пакуль застаецца губляцца ў здагадках і пераасэнсоўваць пагалоскі, піша internetua.com. Якімі новаўвядзеннямі здзівіць новы флагман?
Паводле неафіцыйных звестак, кампанія Apple плануе выпусціць адразу тры смартфоны - дзве абноўленыя версіі легендарнага iPhone 7 і навінку лінейкі iPhone 8.
Імаверна, апарат будзе мець бяздротавую зарадку. Кнопка Home стане віртуальнай, магчымасці апаратнай часткі - практычна бязмежнымі. Па чутках, апгрэйд чакае і сістэму бяспекі - удасканаленая тэхналогія надзейна абароніць канфідэнцыйную інфармацыю ад трэціх асоб. Застанецца гэта звыклы сканер адбіткаў пальцаў ці будзе распрацаваная тэхналогія распазнавання твараў - пакуль невядома.
Аналітыкі прадракаюць кардынальны рэдызайн прылады. Мяркуючы з чарцяжоў, апублікаваных раней Бэнджамінам Гескінам, iPhone 8 атрымае прагрэсіўны 5.8-цалевы экран. Чаканыя габарыты 143.4 × 70.77 × 7.51 мм.