Экспэрты ЕАБР раскрытыкавалі «выратавальную пілюлю» беларускай эканомікі

Беларускія ўлады «загуляліся» са зніжэннем стаўкі рэфінансавання.

ЕАБР параіў Беларусі прыпыніць зніжэнне стаўкі рэфінансавання. Зніжаць асноўную банкаўскую стаўку больш плаўна, піша gazetaby.

Як адзначаецца ў макраэканамічным аглядзе Еўразійскага банка развіцця, гэта звязана з «высокімі інфляцыйнымі чаканнямі, планаваным падвышэннем тарыфаў, а таксама аднаўленнем спажывецкага попыту», якія могуць павялічыць паказчык інфляцыі.

Нагадаем, Нацыянальны банк Беларусі ўжо сем разоў з пачатку года зніжаў стаўку рэфінансавання. На думку экспэртаў, у перспектыве гэта можа прывесці да зніжэння адсоткаў укладаў у банках, а таксама зрабіць крэдыты больш даступнымі.