Што ў Беларусі падаражэла ў жніўні
3- 12.09.2017, 20:32
- 23,698
Апублікаваныя звесткі аб тым, як змяніліся цэны на харчовыя і нехарчовыя тавары.
Нацыянальны статыстычны камітэт Беларусі апублікаваў звесткі аб тым, як змяніліся цэны на харчовыя і нехарчовыя тавары паводле вынікаў жніўня 2017 года.
Прадукты харчавання і безалкагольныя напоі патаннелі на 1,93%. Гародніна патаннела амаль на 32%, садавіна - на 5,11%.
У мінулым месяцы падаражэлі сокі - на 2,58%, мёд - на 1,33%, кава - на 2,45%, малако і малочныя прадукты - на 0,41%, сыры - на 0,03%.
На 0,82% падняліся цэны на тытунёвыя вырабы, на 0,21% - на алкагольныя напоі.
Што тычыцца нехарчовых тавараў, то ў жніўні цэны на іх выраслі на 0,3%.