Прэзідэнтам Сінгапура ўпершыню стала жанчына

Халіма Якаб стала таксама першай за 47 гадоў прадстаўніцай малайскай супольнасці, якая заняла гэтую пасаду.

Новым прэзідэнтам Сінгапура стала Халіма Якаб, якая да нядаўняга часу з'яўлялася спікерам парламента. Пра гэта паведаміў у сераду старшыня выбарчай камісіі Эн Вай Чун пасля праверкі ўсіх прадстаўленых яе штабам дакументаў, паведамляе ТАСС.

Такім чынам 63-гадовая Якаб стала першай жанчынай - прэзідэнткай краіны, а таксама першай за 47 гадоў прадстаўніцай малайскай супольнасці, якая заняла гэтую пасаду.

Акрамя экс-спікера, першапачаткова ўдзельнічаць у выбарах планавалі яшчэ чатыры прэтэндэнты на вышэйшую дзяржаўную пасаду, але кандыдатуры дваіх былі адхіленыя на самым першым этапе падачы дакументаў, паколькі яны не з'яўляліся выхадцамі з малайскай супольнасці.

Згодна з прынятай у лістападзе мінулага года пастановай, удзел у цяперашняй кампаніі маглі браць толькі малайцы. Апроч іх, у Сінгапуры пражываюць яшчэ дзве супольнасць - кітайцаў і індусаў, прадстаўнікі якіх таксама займаюць розныя высокія пасады.

Два іншыя кандыдата сышлі з дыстанцыі 11 верасня, калі не здолелі атрымаць сертыфікат на права быць абраным. Згодна з правіламі, прэтэндэнты на прэзідэнцкую пасаду павінны мець за плячыма стаж дзяржаўнай службы альбо ўзначальваць кампанію, капіталізацыя якой перасягае 500 млн сінгапурскіх даляраў (371 млн даляраў ЗША). Прынятай у чэрвені гэтага года папраўкай адпавядала толькі кандыдатура Якаб.

У выніку адзіным прэтэндэнтам на пасаду прэзідэнта апынулася экс-спікерка. У такой сітуацыі, згодна з мясцовым заканадаўствам, выбары кіраўніка дзяржавы не праводзяцца і кандыдат аўтаматычна абвяшчаецца прэзідэнтам.

У той жа час улада прэзідэнта ў Сінгапуры абмежаваная, а краінай фактычна кіруе прэм'ер-міністр. Кіраўнік дзяржавы можа скарыстацца правам вета пры разглядзе праекта бюджэту, прызначэнняў ва ўрад, прашэнняў аб памілаванні асуджаных злачынцаў, а таксама з'яўляецца захавальнікам золатавалютных рэзерваў.

Урадавыя пастановы аспрэчваюцца рэдка, а галоўная роля прэзідэнта ў Сінгапуры - разгляд прашэнняў аб памілаванні ад асуджаных да смяротнага пакарання зняволеных.