У будынак габрэйскага цэнтра ў Маскве кінулі «кактэйлі Молатава»

Узгаранне было хутка ліквідаванае.

Невядомы закідаў будынак Федэрацыі габрэйскіх абшчын у Маскве «кактэйлямі Молатава».

Пра гэта паведамляе расейскае інфармацыйнае агенцтва «Інтэрфакс».

Таксама на сайце YouTube было апублікавана відэа гэтага інцыдэнту.

«Паступіла паведамленне, што на вуліцы Абразцова невядомыя кінулі бутэлькі з неўсталяванай вадкасцю ў фасад будынка», - сказаў супрацоўнік прэс-службы маскоўскага аддзела паліцыі.

На відэа заўважна, што невядомы мужчына падпаліў і кінуў у будынак мінімум 3 бутэлькі з запальнай сумессю.

Адзначаецца, што ў выніку гэтага інцыдэнту адбылося невялікае ўзгаранне. Ніхто не пацярпеў.