Літва стварыла «альянс» супраць Астравецкай АЭС

Урад Літвы зацвердзіў план блакавання імпарту электраэнэргіі з БелАЭС.

Дамова з латышамі, эстонцамі і палякамі, увядзенне дадатковай платы за перадачу, пракладка дадатковых ліній, дэмантаж некаторага абсталявання. Гэтыя і іншыя захады былі прадугледжаныя 13 верасня ў зацверджаным урадам пастанове «Аб неабходных захадах, прызначаных для абароны ад небяспечнай атамнай электраэнэргіі, якую будуюць у Беларусі, і якая ўяўляе пагрозу нацбяспецы, атачэнню і грамадству Літвы», паведамляе delfi.lt.

У плане ёсць некалькі асноўных захадаў:

Па-першае, зрабіць так, каб пасля запуску Астравецкай АЭС у Літву не магла трапіць беларуская электраэнэргія, за выключэннем той, якая неабходная для забеспячэння надзейнасці сістэмы энэргетыкі нашай краіны. Прадугледзець, каб магутнасці Круоніскай гідраэлектрастанцыі не выкарыстоўваліся для патрэбаў акумуляцыі астравецкай электраэнэргіі.

Да 2025 года сінхранізаваць сістэму электраэнэргіі Літвы і сеткі кантынентальнай Еўропы.

З гэтага года не павінна застацца ніякай магчымасці, каб трапіць у нашу сетку электраэнэргіі з трэціх краін або, каб яна магла праходзіць у такім аб'ёме, які можа быць неабходным, калі высвятляцца непазбежныя тэхнічныя прычыны для дэсінхранізацыі ад сістэмы краін СНД. Гэтыя захады распісваюцца падрабязна.

Напрыклад, налета павінна быць дасягнутае пагадненне з Эстоніяй і Латвіяй аб выкарыстанні падатку на перадачу электраэнэргіі трэціх краін.

Акрамя таго, дамовіцца з Эстоніяй, Латвіяй і Польшчай аб ужыванні адзіных прынцыпаў, звязаных з трапляннем электраэнэргіі з трэціх краін на рынак з моманту запуску Астравецкай АЭС. Таксама павінны ацаніць адэкватную магутнасць для бяспекі Літвы і прыняць пастанову ў сувязі з забеспячэннем новых магутнасцяў генеравання электраэнэргіі.