Вільню назвалі самым шчаслівым горадам ЕЗ
3- 13.09.2017, 21:17
- 17,464
Еўрастат выявіў, у якім горадзе Еўразвязу самыя шчаслівыя жыхары.
Самыя шчаслівыя жыхары Еўразвязу пражываюць у Вільні. Адпаведныя звесткі прадставіла ў сераду, 13 верасня, статыстычнае агенцтва Еўрастат.
Адзначаецца, што 98% жыхароў Вільні задаволеныя сваім месцам жыцця. На наступным месцы ідуць Капенгаген і Стакгольм (па 97% задаволеных жыхароў), затым па 96% - Люксембург і Вена.
Па ўзроўні чысціні сярод еўрапейскіх сталіц лідзіруе Люксембург - так мяркуе 95% жыхароў. Далей ідуць Вена (90%) і Любляна (88%)
Найбольш якасныя школы ў Дубліне. Так лічаць 83% жыхароў ірландскай сталіцы, далей ідуць Нікасія, Любляна і Хельсінкі (79%), а таксама Люксембург (78%).
Самы камфортны грамадскі транспарт, паводле апытанняў, - у Люксембургу і Вене (па 88%), Стакгольме (87%) і Любляне (86%).