Некалькі сакрэтаў, якія дапамогуць пазбегнуць падману пры куплі гарбаты

Выбраць пакаванне гарбаты, каб атрымаўся сапраўдны пахучы напой - вялікае мастацтва.

На жаль, нават кошт не гарантуе якасці - падрабляюць і дарагія гарбаты: падмешваюць старое лісце і сцяблінкі, могуць прадаць няякасную сыравіну, замаскаваную штучнымі фарбавальнікамі і араматызатарамі. Падробка, якую вельмі складана распазнаць на вока, - гэта другасна перапрацаваная спітая гарбата.

AdMe.ru дзеліцца агульнымі прыкметамі якаснай чорнай і зялёнай гарбаты, якія дапамогуць вам зарыентавацца пры выбары напою.

Якасць сухога запарвання

Якасная гарбата - гэта суцэльнае лісце, скручанае ў залежнасці ад выгляду.

Зялёная гарбата валодае серабрыста-зялёным колерам, чорная - зямліста-карычневым. Колер запарвання роўны і аднастайны. Ціпсы, пупышкі чайнага ліста, у чорных гарбатах залацістага колеру, у зялёных - серабрыстага.

Чаінкі павінны быць прыкладна аднаго памеру і формы. Чым ніжэйшы гатунак гарбаты, тым больш у ёй ламанага грубага лісця, сцяблінак, чаінак іншага колеру.

Якасны чай мае вільготнасць 3-6%. Пры вільготнасці блізу 20% у гарбаце заводзіцца цвіль. Перасушаны чай пазбаўлены карысных уласцівасцяў. Разатрыце паміж пальцамі некалькі чаінак, калі яны лёгка рассыпаюцца - чай перасушаны.

Сухая заварка не павiнна пахнуць пылам, затхласцю, цвіллю, гарам, металам ці чым-небудзь пабочным. Пах павінен быць прыемным і не рэзкім.

Гарбата

Свежая якасная гарбата пры заварванні ўтварае жаўтлява-карычневую плеўку. Чым старэйшая гарбата, тым горшае пенаўтварэнне.

Настой якаснай гарбаты празрысты, не каламутны. Колер настою чорнай гарбаты чырвона-карычневы, чырвоны. Зялёнай - саламяны, жоўта-зялёны, светла-зялёны.

Смак прыемны і шматгранны. З невялікай гарчынкай, даўкасцю і з нотамі кветак, садавіны, арэхаў ці малака. Калі чай горкі, з непрыемным прысмакам гары, цвілі, пластыка - такі чай піць не варта.

Калі натуральную заварку заліць халоднай вадой, то вада застанецца празрыстай або злёгку зменіць колер. Гарбата, якая заварваецца ў халоднай вадзе, змяшчае фарбавальнікі. Пакладзіце ў гарбату дзельку цытрыны – натуральная гарбата неўзабаве пасвятлее, апрацаваная фарбавальнікамі не зменіць колер.

Калі пах занадта рэзкі і ўстойлівы альбо, наадварот, хутка знікае, калі ён не раскрываецца і не мяняецца - гэта штучны водар.

Заварка

У якаснай гарбаты заварка - разгорнутае лісце, у нізкагатунковай - чайны лом.

Заварка не павiнна пахнуць падвалам, венікамі, мокрай анучай.

Чайнае дно павінна пахнуць гарбатай з ноткамі траў, кветак, сухафруктаў або мора.

Гарбата ў пакеціках

Такое пакаванне дае магчымасць утаіць змесціва, і нядобрасумленныя вытворцы змешваюць нармальную сыравіну са старой ці нават сапсаванай, дадаюць чайны пыл і фарбаванае пілавінне.

Калі буры парашок скрозь пакуначкі пэцкае скрынку - усярэдзіне гарбатны пыл.

Разрэзаўшы пакецік, можна ўбачыць дробна нарэзанае чайнае лісце, а можна і сумнеўную сумесь. Драбнюткія рознакаляровыя шарыкі - гэта араматызатар.

Калі чайны пакецік заварваецца ў халоднай вадзе і фарбуе белыя паверхні, значыць, змесціва з фарбавальнікамі.

Якасны чай у пакеціках сустрэць практычна немагчыма. Лепш аддаць перавагу ліставому чаю. А калі вам не падабаюцца плаваючыя чаінкі, можна выкарыстоўваць чайны падсітак.

Пакаванне гарбаты

Тэрмін прыдатнасці гарбаты з моманту збору не перавышае 3 гады (калі гэта не пуэр). На пакаванні павінны быць пазначаны не толькі дата расфасоўкі, але і час збору.

Ідэальна, калі чай спакаваны ў месцы збору.

У сапраўднай якаснай гарбаты на пачку абавязкова будзе лагатып.

Кітайскую гарбату экспартуе толькі China National Tea&Native Product Import&Export Corp. - гэта павінна быць паказана на пакаванні. Таксама ўказваецца, што гэта «Прадукт Народнай Рэспублікі Кітай» (Produce of the Peopled Republic of China). Надпісы Made in China на сапраўдным кітайскім чаі не бывае.

На індыйскай гарбаце надпіс Made in India можа прысутнічаць. Таксама бывае пазначана: «Індыйскі чай Тоша», «Індыйскі чай Дэвенпорта», «Індыйскі чай С.Т.С.»

Сапраўдны цэйлонскі чай абавязкова мае на пакаванні лагатып з ільвом і надпіс Packed in Sri-Lanka.