Суд вынес астатні прысуд паводле справы Ашмянскай мытні

13 фігурантаў гучнай справы прызнаныя вінаватымі ў атрыманні хабару ў асабліва значнай суме.

У чацвер, 14 верасня, суд Кастрычніцкага раёна Менска абвясціў астатні прысуд былым супрацоўнікам Ашмянскай мытні, піша tut.by.

За паўгадзіны да абвяшчэння прысуду каля залы пасяджэнняў сабраліся дзясяткі людзей. Ужо традыцыйна тыя супрацоўнікі мытні, якія знаходзіліся падчас працэсу не пад вартай, прыехалі з вялізнымі клятчастым торбамі на выпадак, калі іх арыштуюць у зале суда. Так адбывалася ў іншых судах Менска, калі выносіўся чарговы прысуд.

- Як вы думаеце, колькі дадуць? - абмяркоўвалі перад прысудам былыя мытнікі. - Шэсць, так? Кажуць, потым можна будзе спадзявацца на амністыю.

- Ты толькі не плач, - абдымае жонку адзін з абвінавачаных. - Асабіста я ўжо сваё адплакаў. Ідзі займай чаргу, сядай бліжэй і зможаш мне яшчэ паціснуць руку на развітанне, калі будуць надзяваць кайданкі.

У залу не змаглі трапіць усе ахвотныя. Сваякі пачалі крычаць:

- Навошта пусцілі журналістаў? У калідоры стаіць бацька абвінавачанага! Колькі можна з нас здзекавацца? Два з паловай гады здзекуецеся і прадаўжаеце. Дайце родным апошні раз паглядзець на мужоў, дзяцей і бацькоў.

Суд праходзіў у адкрытым і часткова закрытым рэжыме. З 13 чалавек 5 знаходзіліся не пад вартай, а пад хатнім арыштам.

Усе фігуранты судом Кастрычніцкага раёна прызнаныя вінаватымі і прысуджаныя да пазбаўлення волі з канфіскацыяй маёмасці. Пакаранне мытнікі будуць адбываць у калоніі ва ўмовах ўзмоцненага рэжыму.

Стэльмах Аляксей і Находка Аляксандр, Паўловіч Аляксандр - 5 гадоў;

Кузьміч Ігар, Асіповіч Аляксандр, Назараў Аляксандр, Пашкевіч Чэслаў, Мароз Руслан, Клыга Дзмітрый, Харэвіч Сяргей, Зарэцкі Дзмітрый, Карповіч Мікалай - па 6 гадоў; Турліц Міхаіл - 7 гадоў.

У асуджаных будзе канфіскаваная маёмасць: лецішча, 2 зямельныя надзелы, гараж, 2 стрэльбы і 3 патроны, аўтамабіль Seat і невялікія грашовыя сумы.

Нагадаем, вясной 2015 года былі затрыманыя 58 супрацоўнікаў прапускнога пункта Каменны Лог. Іх абвінавацілі ў атрыманні хабараў на суму 876 тысяч даляраў і 19 тысяч еўраў. Амаль год у розны судах Менска праходзілі паседжанні.

29 снежня Менскі абласны суд вынесены прысуд ужо былому начальніку Ашмянскай мытні Івану Невяркевічу. Яго прызналі вінаватым у атрыманні хабараў на суму 50.800 даляраў. Спачатку Невяркевіча прысудзілі да 7 гадоў пазбаўлення волі, затым прысуд змякчылі. Найбліжэйшыя 6 гадоў ён правядзе за кратамі.

8 жніўня ўсе ў тым жа Менскім абласным судзе быў абвешчаны прысуд кіраўніцтву Ашмянскай мытні. На лаве падсудных апынуліся 14 былых супрацоўніка і два бізнэсоўцы, якія перадавалі службовым асобам хабары за бесперашкоднае праходжанне праз мяжу аўтамабіляў з кветкамі. Большасць фігурантаў прызналі сваю віну, хтосьці выплаціў ў даход дзяржавы 160 тысяч даляраў, хтосьці 120. У многіх будуць канфіскаваныя аўтамабілі і грошы, напрыклад, у арганізатара групы, былога супрацоўніка мытні і бізнэсоўца Гарніка Сарумянца - 1,8 мільёнаў даляраў, знойдзеных пад ваннай.

Суд Фрунзенскага раёна Менска ўсю групу з 11 чалавек таксама прызнаў вінаватай. Былыя супрацоўнікі мытні атрымалі пакаранне ў выглядзе пазбаўлення волі ад 5 да 6 гадоў у калоніі ва ўмовах ўзмоцненага рэжыму з канфіскацыяй маёмасці. Адны з самых вялікіх тэрмінаў атрымалі фігуранты, чые справы разглядаў суд Партызанскага раёна - ад 5 да 15 гадоў. Пры вынясенні пакарання ўлічвалася прызнанне віны, супрацоўніцтва са следствам і кампенсацыя шкоды. Напрыклад, дзяржабвінаваўца мог запытаць для абвінавачанага 10 гадоў пазбаўлення волі, але сваякі апошняга тут жа ішлі ў банк і аплачвалі шкоду. Пасля паказу квітанцыі пракурор ужо быў не такім строгім і прасіў суд прысудзіць супрацоўніка мытні ўжо не да 10 гадоў, а 6-7.

11 верасня суд Заводскага раёна Менска прысудзіў сем былых супрацоўнікаў аддзела ў барацьбе з кантрабандай да 5-6,5 гадоў пазбаўлення волі.