Жыхары Менскай вобласці зарабілі на $400 тысяч больш, чым атрымалі
2- 14.09.2017, 14:19
- 10,255
Прадпрыемствы ў Менскай вобласці завінаваціліся сваім работнікам заробкаў на 750 тысяч рублёў.
Паводле звестак на 1 верасня, запазычанасць у заробках ёсць на 12 прадпрыемствах Вілейскага, Валожынскага, Дзяржынскага, Менскага, Маладзечанскага, Смалявіцкага і Салігорскага раёнаў. Агульная сума - 751,7 тысячы рублёў (амаль 390 тысяч даляраў у эквіваленце), піша tut.by.
За аналагічны перыяд 2016 года 44 арганізацыі Менскай вобласці парушалі тэрміны выплат.
Большасць завінавачаных - у будаўнічай галіне і аграпрамысловым комплексе.
Сярод асноўных прычын запозненых разлікаў з работнікамі - цяжкае фінансавае становішча прадпрыемстваў праз наяўнасць дэбіторскай або крэдыторскай запазычанасцяў і зніжэння аб'ёмаў вытворчасці.
Паводле актаў пракурорскага нагляду выплачаная запазычанасць у заробку на суму 5,8 млн рублёў.
Толькі судом Маладзечанскага раёна за такія парушэнні да адміністрацыйнай адказнасці ў выглядзе штрафу прыцягнута 12 кіраўнікоў мясцовых арганізацый.