Галандзец склаў спіс з 14 рэчаў, якія трэба зрабіць у Беларусі
6- 14.09.2017, 18:57
- 31,113
30-гадовы еўрапеец распавядае, што ўразіла яго ў Менску.
Два месяцы таму «Камсамолка» сустрэлася з нідэрландскім падарожнікам Бартам ван Эйдэнам. Ён прыляцеў у Беларусь, каб дадаць яе ў сваю скарбонку:
- У мяне ёсць мэта - пабываць у 100 краінах і трапіць у Travellers Century Club, амерыканскую арганізацыю падарожнікаў, - распавёў Барт. - Засталося 25 краін.
Беларусь была адной з апошніх краін у Еўропе, якую наведаў. Праз два месяцы ён сістэматызаваў свае ўражанні і падвёў вынік падарожжа.
- На жаль, Беларусь – адна з краін Еўропы, якая наведваецца найбольш рэдка. Магчыма, справа ў візе (на шчасце, цяпер можна прыляцець на пяць дзён проста так). Я правёў у беларускай сталіцы чатыры дні і атрымаў задавальненне ад кожнай хвіліны.
Вось што, на яго думку, варта зрабіць кожнаму замежніку, які прыляціць у Беларусь, як турыст. Як вам спіс?
1. Паглядзець на Леніна на плошчы Незалежнасці.
2. Таемна сфатаграфаваць будынак КДБ.
3. Пакатацца ў метро (асабліва па чырвоным разгалінаванні).
4. Высветліць, як выглядае 72-метровы ромбакубаактаэдр - з'ездзіць да Нацыянальнай бібліятэкі.
5. Ацаніць графіці на Vulica Brasil.
6. З'есці бургер ў кавярні Enzo.
7. Праехацца па барах. Класных - вельмі шмат!
8. Выпіць кактэйль у выглядзе ваннай, у якой плёскаецца качка.
9. Палюбавацца Нацыянальнай бібліятэкай уначы. Яна выглядае як вялікі дыска-шар!
10. Узлезці на Курган Славы.
11. З'ездзіць да стэлы «Менск - горад-герой».
12. Паглядзець вайсковы парад.
13. Далучыцца да народных гулянняў.
- Калі добра спланаваць, можна трапіць на глабальнае святкаванне! Калі не, ёсць рызыка таго, што горад падасца вам сумным, як некаторым падарожнікам.
14. Паесці ў беларускай сталовай.
- €3,50 за катлету па-кіеўску, бульбу, халаднік і салату з вяндлінай і сырам. Класны абед!