Мітынг Навальнага ў Екацярынбургу сабраў 10 тысяч чалавек
9- 16.09.2017, 20:55
- 30,189
Улады горада перашкаджалі мерапрыемству, але яно адбылося.
Апазіцыянер Аляксей Навальны правёў у Екацярынбургу сустрэчу з выбаршчыкамі. Паводле ацэнкі арганізатараў мерапрыемства, на яе прыйшлі не менш за 10 тысяч чалавек, піша theins.ru.
Як піша »Інтэрфакс», Навальны ў выпадку перамогі на прэзідэнцкіх выбарах паабяцаў павялічыць заробак, палепшыць сістэму аховы здароўя, стварыць спецпракуратуру з шырокімі паўнамоцтвамі ў рамках барацьбы з карупцыяй.
Акцыя абышлася без затрыманняў.
В Екатеринбурге на встрече с @navalny уже не менее 10 000 человек! Фантастика! pic.twitter.com/cfW13YGx1l
— Команда Навального (@teamnavalny) 16 сентября 2017 г.
Як паведамляе «Інтэрфакс-Урал», начальнік екацярынбургскага штаба Навальнага Віктар Бармін распавёў, што раніцай у суботу супрацоўнікі паліцыі спачатку перашкаджалі разгрузцы абсталявання, неабходнага для правядзення акцыі. Пазней, са слоў Барміна, «прадстаўнік міністэрства грамадскай бяспекі ў выніку перамоваў і перыпетый падышоў і сказаў, што ўсё ўзгодненае, можам збіраць абсталяванне».
Екатеринбург сейчас pic.twitter.com/NHJLzufiIM
— Alexey Navalny (@navalny) 16 сентября 2017 г.
У галоўнай управе МУС Свярдлоўскай вобласці сітуацыю не каментуюць.