Відэафакт: Мэркель загаварыла па-расейску на прэс-канферэнцыі з дзецьмі

Канцлерка адказала на вострыя пытанні юных немцаў.

Канцлерка Нямеччыны і лідарка Хрысціянска-дэмакратычнай уніі Ангела Мэркель падчас перадвыбарнага турнэ правяла спецыяльную прэс-канферэнцыю для дзяцей, на якой распавяла, што "трошкі размаўляе па-расейску" дзякуючы вывучэнню ў школе. Таксама яна адказала на пытанні пра стасункі з прэзідэнтамі ЗША і Расеі Дональдам Трампам і Уладзімірам Пуціным і назвала ўлюбёную футбольную каманду. Відэа апублікавала "Нямецкая хваля". Выбары ў Бундэстаг (ніжнюю палату парламента ФРГ) пройдуць 24 верасня 2017 года. Пасаду канцлера атрымае кандыдат ад партыі, якая пераможа.