Гістарычная справядлівасць: будынак былога касцёла ў Давыд-Гарадку вярнулі каталікам
3- 23.09.2017, 10:44
- 13,382
Будынак, дзе амаль 70 гадоў месціўся Дом культуры, перададзены Пінскай дыяцэзіі Рымска-каталіцкай царквы.
Касцёл быў пабудаваны ў 1938 годзе на сродкі мясцовых жыхароў, з прыходам новай улады яго перабудавалі пад клуб. Дом культуры месціўся тут амаль 70 гадоў. Цяпер установа пераехала ў былы кінатэатр «Зара».
Як апавёў «Медыя-Палессю» кіраўнік Давыд-Гарадоцкага гарсавета Вячаслаў Стаднік, вернікі ўжо пачалі працу для рамонту будынка.