У Менску прайшоў канцэрт салідарнасці з палітвязнямі
2- 23.09.2017, 15:38
- 10,093
На канцэрце «Не здавайся. Бог з табой. Ты не адзін» выступілі вядомыя беларускія барды.
У рамках форуму «Свабоду палітвязням» адбыўся канцэрт салідарнасці «Не здавайся. Бог з табой. Ты не адзін».
У час мерапрыемства, якое праходзіла пры свечках, бо ў офісе Партыі Беларускі народны фронт праз запазычанасць за арэнду адключылі святло, яе ўдзельнікі расказвалі пра сітуацыі з тымі, хто за сваю актыўную грамадска-палітычную пазіцыю пацярпеў жорсткія рэпрэсіі і знаходзіцца за кратамі, піша находится за решеткой, пишет novychas.by.
Перад прысутнымі выступілі грамадская актывістка Ганна Шапуцька, сустаршыня Беларускай хрысціянскай дэмакратыі Павел Севярынец, рэжысёрка і актывістка Вольга Нікалайчык, праваабаронца Кацярына Садоўская і іншыя. Паміж выступамі барды Андрэй Мельнікаў і Юлія Фралова на знак салідарнасці з рэпрэсаванымі выканалі пранікнёныя песні.
У час форуму ўспаміналі таксама Мікалая Статкевіча, якога затрымалі 22 верасня пасля пасяджэння Беларускага нацыянальнага кангрэсу, а таксама ўшанавалі памяць Алеся Чаркашына, які загінуў ва Украіне.
Удзельнікі мерапрыемства таксама падпісалі зварот да кіраўніцтва пенітэнцыярнай сістэмы краіны з патрабаваннем спыніць практыку ціску на зняволеных.