Амерыканскі футбольны клуб падпісаў кантракт з пяцігадовым брамнікам

Хлопчыка ўжо ўнеслі ў заяўку на матч чэмпіянату з «Арланда Сіці».

Клуб Галоўнай лігі футбола (MLS) «Портлэнд Тымберс» падпісаў кантракт з пяцігадовым брамнікам Дэрыкам Тэлесам. Відэазапіс з'явіўся на YouTube-канале AP Sports Outtakes, піша lenta.ru.

Хлопчык быў унесены ў заяўку на матч чэмпіянату з «Арланда Сіці». Ён возьме ўдзел у перадматчавай размінцы і разам з гульцамі выканае гімн ЗША. Падпісанне кантракту стала магчымае дзякуючы праграме дабрачыннай арганізацыі Make-A-Wish («Загадай жаданне»), якая дапамагае смяротна хворым дзецям. Дэрык тройчы перанёс аперацыю праз пухліну галаўнога мозгу.

«Мы лічым, што ён адзін з самых яркіх маладых галкіпераў, якія прыходзілі ў наш клуб. Мяркую, мы зможам паставіць яго ў склад на гульню ў нядзелю. Я сказаў Тэлесу, што хачу ўбачыць, як ён робіць 20 узяццяў», - жартаўліва дадаў галоўны трэнер «Портлэнда» Калеб Портэр.