Войска ЗША апублікавала дапаможнік новых метадаў барацьбы з расейскімі войскамі

У кіраўніцтве вывучаецца расейская гібрыдная вайсковая тактыка і як ёй трэба супрацьстаяць.

Група асіметрычнай вайны Войска ЗША апублікавала дапаможнік аб новай тактыцы бою расейскіх войскаў. У ім, між іншым, даюцца парады амерыканскім войскам у супрацьстаянні расейскім

Войска ЗША апублікавала «Дапаможнік расейскай вайсковай справы новага пакалення», які прызначаны для павышэння інфармаванасці амерыканскіх вайскоўцаў аб тактыцы Расеі ў гібрыднай вайне.

Несакрэтны дапаможнік быў выдадзены ў снежні 2016 года для ўнутранага карыстання, але апублікаваны на сайце PublicIntelligence для вольнай запампоўкі толькі 18 верасня, на гэта звярнула ўвагу выданне National Interest (пераклад - rbc.ru).

Аўтарамі кнігі пазначаны - Войска ЗША і Група асіметрычнай вайны (Уваходзіць у камандаванне Войска ЗША ў навучанні). У дапаможніку вывучаецца расейская гібрыдная вайсковая тактыка і як ёй могуць супрацьстаяць амерыканскія войскі.

У 65-старонкавым дапаможніку сабраны фатаграфіі расейскай тэхнікі з апісаннямі, якую, па здагадцы аўтараў, Расея магла б выкарыстоўваць ва ўмовах сучаснага вайсковага канфлікту. Высновы ў кнізе зроблены на аснове аперацый Расеі на Украіне і ў Крыме, у якіх удзельнічалі падраздзяленні спецыяльных сіл, часам пад прыкрыццём, і невялікія цяжка ўзброеныя рэгулярныя падраздзяленні, якія падтрымліваюць мясцовыя сепаратысцкія групоўкі, піша National Interest.

У дапаможніку, між іншым, гаворыцца, што новая расейская стратэгія нацэленая на змену рэжыму пры падтрымцы мясцовых сепаратысцкіх груповак. «Так як новая мэта - гэта поўная змена сістэмы дзяржавы, сучасны расейскі падыход выкарыстоўвае любыя рычагі ціску для дасягнення гэтых змен», - гаворыцца ў кіраўніцтве. Зрэшты, у ім адзначаецца, што не ўсе змены рэжымаў павінны адбывацца пры прыцягненні вайскоўцаў.

Кіраўніцтва таксама апісвае некалькі слабасцяў расейскіх войскаў, якія могуць выкарыстоўваць сілы ЗША. Яны, як адзначае National Interest, нагадваюць слабыя бакі савецкага войска. «У салдатаў прызыву ёсць недахоп матывацыі (хоць расейскае войска становіцца больш прафесійным). Тактычнае лідарства фармулярная, слабая лагістыка, авія- і артпадтрымка можа быць магутнай, але недакладнай», - піша выданне.

Аўтары кнігі рэкамендуюць вайскоўцам ЗША трэніравацца для бою ва ўмовах, калі сувязь і GPS глушаць электроннымі сродкамі, а таксама нагадваюць, што буйныя камандныя пункты з антэнамі навядуць масіраваны агонь з боку расейскіх вайскоўцаў. Тым не менш аўтары дапаможніка заўважаюць, што сучасныя сродкі электроннай барацьбы і авіяцыйнай падтрымкі ў дэфіцыце ў войску Расеі і сканцэнтраваныя ў Калінінградзе, Украіне і Сірыі. «У іх няма той колькасці, што патрэбная для папаўнення сістэматычных страт і функцыянавання на шырокім фронце. Страта нават адной з такіх сістэм - сур'ёзны ўдар для расейскіх вайскоўцаў», - адзначаецца ў дапаможніку.