Сацыял-дэмакратычная партыя Нямеччыны абвясціла аб пераходзе ў апазіцыю
2- 24.09.2017, 20:42
- 13,494
Марцін Шульц заявіў, што Сацыял-дэмакратычная партыя Нямеччыны стане апазіцыйнай «апорай дэмакратыі».
Сацыял-дэмакратычная партыя Нямеччыны былога старшыні Еўрапарламента Марціна Шульца, якая паводле звестак экзіт-полаў заняла другое месца на выбарах у Бундэстаг, атрымаўшы блізу 20% галасоў выбаршчыкаў, пераходзіць у апазіцыю.
Пра гэта заявіла намесніца старшыні СПД Мануэла Швэзіг адразу пасля абвяшчэння першых вынікаў выбараў у каментары ZDF, паведамляе «Гордон».
«Для нас сёння вялікая кааліцыя заканчваецца», - адзначыла яна.
Швэзіг падкрэсліла, што партыя стане «самай моцнай апазіцыйнай партыяй».
Як паведамляе ZDF, Шульц назваў вынікі выбараў «цяжкім днём для нямецкай сацыял-дэмакратыі». Ён таксама выказаў занепакоенасць з нагоды высокіх вынікаў ультраправай нацыяналістычнай партыі «Альтэрнатыва для Нямеччыны» (AfD), якая заняла трэцяе месца.
Палітык адзначыў, што СДПГ стане «апорай дэмакратыі».
Сёння ў Нямеччыне стартавала галасаванне на выбарах у Бундэстаг. Паводле звестак экзіт-пола канала ARD, ХДС/ХСС канцлеркі Ангелы Мэркель атрымалі 32,5% галасоў, а СДПГ - 20%. AfD упершыню прайшла ў Бундэстаг, атрымаўшы блізу 13% галасоў.
Усяго ў выбарах у Бундэстаг удзельнічае 43 партыі: «Хрысціянска-дэмакратычны саюз» (ХДС), «Хрысціянска-сацыяльны саюз» (ХСС), Сацыял-дэмакратычная партыя Нямеччыны (СДПГ), «Альтэрнатыва для Нямеччыны», «Левая», «Зялёныя» і іншыя. Прахадны бар'ер складае 5%.