Еўрапейскі габрэйскі кангрэс устрывожаны выбарамі ў Нямеччыне
6- 24.09.2017, 21:42
- 17,397
Кангрэс заклікаў палітычныя партыі Нямеччыны не ўступаць у кааліцыю c «АДГ».
Еўрапейскі габрэйскі кангрэс выказаў трывогу ў сувязі з вынікамі выбараў у Нямеччыне, дзе ў парламент прайшла папулісцкая правая партыя «Альтэрнатыва для Нямеччыны». Кангрэс заклікаў палітычныя партыі Нямеччыны не ўступаць у кааліцыю з правымі, паведамляе «Радыё Свабода».
Паводле папярэдніх вынікаў, «Альтэрнатыва для Нямеччыны» набрала больш за 13 адсоткаў галасоў, гэта дазволіць партыі прайсці ў бундэстаг. Правыя папулісты ўпершыню праходзяць у парламент і становяцца трэцяй па колькасці фракцыяй.
Ультраправыя сілы адсутнічалі ў бундэстагу з 1950-х гадоў, што адлюстроўвала грамадскія настроі, накіраваныя на разрыў з жахамі зладжанага нацыстамі Галакосту.