Сіноптыкі апавялі пра надвор'е на тыдзень
3- 25.09.2017, 12:34
- 20,213
У Беларусі будзе без ападкаў, але з замаразкамі.
У апошні працоўны тыдзень верасня захаваецца антыцыкланальны характар надвор'я, ападкі малаімаверныя, але тэмпературны фон будзе паступова зніжацца. У другой палове тыдня ў асобных раёнах Беларусі чакаюцца начныя замаразкі.
Пра гэта tut.by апавяла намесніца кіраўніка службы метэаралагічных прагнозаў Белгідрамета Святлана Рыбакова.
У аўторак, 26 верасня, ападкі не прагназуюцца. Тэмпература паветра да раніцы панізіцца да +5... 11°С, у дзённыя гадзіны паветра будзе прагравацца, і максімальная тэмпература паветра ў другой палове дня дасягне +15... 21°С.
27 верасня, у сераду, таксама без ападкаў, але будзе халаднавата: мінімальная тэмпература паветра ўначы апусціцца да +2... 9°С, максімальная тэмпература ўдзень складзе 12... 18°С.
28 верасня, у чацвер, істотных ападкаў у Беларусі не чакаецца, але ў краіну будзе паступаць больш халоднае і вільготнае паветра, так што ноччу і раніцай месцамі чакаецца слабы туман. Тэмпература паветра ў ранішнія гадзіны панізіцца да +2... 7°С, у асобных раёнах чакаюцца слабыя замаразкі да 0... -2°С; максімальная тэмпература ўдзень не вышэй за +9... 16°С.
У пятніцу, 29 верасня, пераважна без ападкаў. Уначы і ўранку месцамі слабы туман. Тэмпература паветра мінімальная ўначы складзе +1... 7°С, месцамі прагназуюцца замаразкі да 0... -3°С, максімальная тэмпература ўдзень +9... 16°С.