Абураныя магілёўцы выклікалі мясцовыя ўлады «на дыван»
- 25.09.2017, 14:35
- 18,154
Жыхары Магілёва выставілі патрабаванні ўладам.
21 верасня адбыўся сход вулічнага камітэта жыхароў мікразоны вул. Падгорная. На сход прыбылі прадстаўнікі раённых уладаў, якія зрабілі справаздачу аб некаторых захадах, ужытых згодна з папярэднімі зваротамі і скаргамі, піша «Магілёўскі рэгіён». У магілёўцаў назапасілася шмат прэтэнзій і заўваг да чыноўнікаў, якія яны выказалі.
Пытанні ў час сустрэчы падымаліся самага рознага плана, пачынаючы ад асабістых праблем, заўваг з нагоды школьных «пабораў», сканчаючы вечнымі і цяжка развязальнымі праблемамі стану дарог і праездаў. Месцамі размова пераходзіла на гарачыя спрэчкі з узаемнымі папрокамі.
Нягледзячы на тое, што на сходзе не з'явіліся запрошаныя туды прадстаўнікі дарожна-камунальных службаў і «дэпутат» гарсавету, жыхары вул.Падгорнай і яе наваколляў спадзяюцца, што іх пачуюць.