Амбасада Украіны не рэкамендуе сваім грамадзянам ездзіць у Расею праз Беларусь

Дыпмісія Украіны заклікала перасякаць беларуска-расейскую мяжу толькі авіяцыйным транспартам.

Пасольства Украіны ў Беларусі рэкамендуе ўкраінскім грамадзянам устрымацца ад паездак, звязаных з перасячэннем беларуска-расейскай дзяржаўнай мяжы, акрамя як авіяцыйным транспартам. Пра гэта гаворыцца ў паведамленні, апублікаваным у панядзелак на сайце амбасады ў «Фэйсбуку».

Расея, спасылаючыся на адсутнасць пунктаў пропуску праз расейска-беларускую дзяржаўную мяжу, забараніла яе перасячэнне грамадзянамі трэціх краін, акрамя грамадзян Расеі і Беларусі, у тым ліку чальцамі дыпламатычнага і адміністрацыйна-тэхнічнага персаналу дыпламатычных прадстаўніцтваў, консульскіх устаноў і прадстаўніцтваў міжнародных арганізацый, гаворыцца ў паведамленні.

Разам з тым з 15 траўня 2017 года расейскі бок ажыццяўляе памежны кантроль паветраных суднаў, якія прыбываюць у Расейскую Федэрацыю з тэрыторыі Рэспублікі Беларусь, а таксама тых, што вяртаюцца ў зваротным кірунку.

У гэтай сувязі ўсім грамадзянам трэціх краін, у тым ліку чальцам дыпламатычнага і адміністрацыйна-тэхнічнага персаналу дыпламатычных прадстаўніцтваў, консульскіх устаноў і прадстаўніцтваў міжнародных арганізацый рэкамендуецца для паездак названым маршрутам карыстацца авіяцыйным транспартам.

Паводле інфармацыі Міністэрства замежных спраў Рэспублікі Беларусь, улічваючы тое, што паміж Рэспублікай Беларусь і Расейскай Федэрацыяй адсутнічаюць дзейсныя пагадненні аб пунктах пропуску, пастанова аб усталяванні пунктаў пропуску на беларуска-расейскім адрэзку дзяржаўнай мяжы не прымаліся, кантроль на гэтым адрэзку дзяржаўнай мяжы Памежнай службай Рэспублікі Беларусь не вырабляецца, адзначаецца ў заяве амбасады.

«У сувязі з гэтым, пасольства Украіны ў Рэспубліцы Беларусь рэкамендуе ўкраінскім грамадзянам устрымацца ад паездак, звязаных з перасячэннем беларуска-расейскай дзяржаўнай мяжы, акрамя перасячэння авіяцыйным транспартам», - адзначаюць дыпламаты.