«Грошы за дамоўныя матчы закапаў у лесе, не памятаю ні месца, ні кіламетр»
7- 25.09.2017, 17:03
- 25,145
Беларускія футбалісты прызналіся ва ўдзеле ў дамоўных матчах.
У панядзелак, 25 верасня, у судзе Першамайскага раёна Менска пачаўся разгляд справы аб дамоўных матчах, якія былі даведзеныя ў беларускім футболе летась годзе, піша «Трибуна».
Былы футбаліст Юрый Сыраквашка растлумачыў, як з ім расплаціліся ўкраінскія партнёры, «якія арганізавалі» дамоўны матч «Прамень» - «Ашмяны».
Са слоў Сыраквашкі, для забеспячэння патрэбнага выніку «Прамень» павінен быў саступіць у першым тайме, але перамагчы ў матчы. Адыграла толькі першая з гэтых падзей, за што абвінавачаны атрымаў ад украінскага прадстаўніка 2 тысячы даляраў.
«Па дарозе дадому на аўтамабілі ўбачыў, што затрымліваюць футбалістаў «Ашмянаў». У выніку запанікаваў, разумеў, што ў мяне на руках грошы. Іх у выніку закапаў у лесе.
Чаму падчас следчых мерапрыемстваў пра іх не ўспамінаў? Забыўся. Не думаў тады пра нейкія грошы, пра нейкія выгоды. Нават не памятаю ні месца, ні кіламетр, дзе пакінуў гэтую суму», - распавёў Сыраквашка падчас судовага паседжання.