Як беларусам злятаць у Еўропу за смешныя грошы
9- 26.09.2017, 12:38
- 31,540
Падборка цікавых і танных ідэй для падарожжаў.
Сёння citydog.by распавядае, як дабрацца з аэрапорта Варшавы ў цэнтр Варшавы за 2,5 еўра.
Злятаць у Нямеччыну і назад за 20 еўраў
Журналісты спадзявацца на тое, што Ryanair разбярэцца са сваімі праблемамі і беларусы ўсё ж змогуць злятаць у Нямеччыну танна. Квіткі за 20 еўраў з Вільні туды-назад ёсць з кастрычніка да лютага. Шчыра скажам: і Бэрлін, і Брэмен - вельмі файныя гарады, хоць цёпла вам там дакладна не будзе.
Або з Вільні ў Скандынавію за 34 еўры
34travel выказаў здагадку, што праблемы Ryanair пачаліся праз масавы адток пілотаў да канкурэнтаў - авіякампаніі Norwegian Air. Можам сказаць толькі, што ў Norwegian Air таксама ёсць не самыя дарагія варыянты баўлення часу ў паветры. Напрыклад, злятаць у Стакгольм з Вільні і вярнуцца за 34 еўры. І пры гэтым усю дарогу карыстацца wi-fi.
У крайнім выпадку, пакатайцеся па Польшчы за 2,5 еўра
Пакатацца па Польшчы на аўтобусе - чым не варыянт на Каляды і навагоднія канікулы? Перавозчык ModlinBus думае таксама, таму зладзіў распродаж квіткоў на свае рэйсы. Напрыклад, з Варшавы ў Лодзь крыху больш чым як 2 еўры. Але напраўду, гэтая акцыя можа працаваць і для трансферу з аэрапорта.