Дамоўны матч «Іслач» - «Дынама» Берасце арганізаваў экс-брамнік хакейнай каманды Лукашэнкі
2- 26.09.2017, 12:49
- 17,448
На судзе ўсплылі новыя падрабязнасці дамоўных матчаў.
Акрамя шырока вядомых падрабязнасцяў дамоўнага матчу «Іслач» - «Дынама» Берасце на судзе ўсплылі новыя падрабязнасці, што да «спонсараў» несумленнага двубою.
Як паведамляе «Прессбол», беларускае следства выявіла, што арганізатарамі дамоўнага матчу сталі двое расейцаў: футбольны агент Міхаіл Пузанаў і былы хакейны галкіпер Барыс Тартуноў.
У 2007 годзе гэты брамнік з Чэлябінска выступаў за менскае «Дынама», а з 2009 да 2012 года пражываў у Беларусі і выступаў на розных турнірах у складзе хакейнай каманды Лукашэнкі.
Для арганізацыі дамоўнага матчу Пузанаў і Тартуноў прывезлі ў Беларусь 10 000 даляраў.