Вяскоўцу ў Кіраўскім раёне адрэзала руку бульбакапалкай
2- 28.09.2017, 15:41
- 26,416
52-гадовы мужчына ішоў за бульбаўборачным камбайнам.
У вёсцы Любонічах Кіраўскага раёна 52-гадовы мужчына пазбавіўся рукі падчас копкі бульбы. Ён ішоў за бульбаўборачным камбайнам, калі яго левая рука трапіла ў працуючы механізм, паведамляе tut.by.
Дапамагчы выкапаць бульбу паклікаў суседа 43-гадовы мясцовы жыхар. Мужчына сам сеў за стырно тэхнікі. 52-гадовы памочнік ішоў ззаду.
- Звычайна за бульбаўборачнай тэхнікай ідуць два чалавекі, каб дапамагаць прыбіраць рэшткі бацвіння, камяні. Пацярпелы ішоў адзін. У нейкі момант ягоная левая рука трапіла ў механізм, - распавяла афіцыйная прадстаўніца абласной УСК Аксана Саленюк.
На хуткай 52-гадовага мужчыну павезлі ў лякарню. Ён пазбавіўся прыкладна траціны рукі. На сёння ягоны стан здавальняючы. Ягонаму жыццю нішто не пагражае.
Следства прадаўжае праверку. Вядома, што ў момант няшчаснага выпадку абодва мужчыны былі цвярозыя.