Белстат прызнаў Крым часткай Расеі

Нацыянальны статыстычны камітэт Беларусі залічыў у сваім штогодніку паўвостраў Крым у склад Расеі.

Нацыянальны статыстычны камітэт Беларусі залічыў у сваім штогодніку паўвостраў Крым у склад Расеі, піша the-village.me.

На гэта звярнуў увагу Яўген Судзілоўскі, які выклаў у Facebook звесткі са «Статыстычнага штогодніка» Белстата за 2015-2017 гады. Ускоснае сведчанне палягае ў тым, што ў 2013 годзе, згодна са зборнікам, Расея мела 143,5 мільёна насельніцтва, а ў 2014-м - ужо 146,1 мільёна. Адначасова насельніцтва Украіны скарацілася за год з 45,5 мільёна (2013 год) да 42,8 мільёна (2014).