Бацькі ў Барысаве будуць плаціць за графік «пад Колю»

За знаходжанне ў школе да 8.30 раніцы наважылі браць плату.

На днях у групе «Тыповы Барысаў» «Вконтакте» з'явілася аб'ява з адной са школ: бацькам паведамляюць, што будуць працаваць платныя ранішнія групы падоўжанага дня. За паўтара лішніх гадзіны ў школе (з 7.00 да 8.30) з аднаго з бацькоў возьмуць 2,36 рубля, за гадзіну (з 7.30 да 08.30) - 1,88 рубля.

Каментатары ў сацсетках жартуюць, што гэта нядрэнны спосаб зарабіць на больш познім пачатку ўрокаў - многія школы Беларусі перайшлі сёлета на новы графік.

- Гэтыя платныя паслугі - не новаўвядзенне гэтага года, яны існуюць ужо некалькі гадоў, - патлумачылі tut.by ў аддзеле адукацыі, спорту і турызму Барысаўскага райвыканкама.

На сайце аддзела адукацыі, да слова, вывешаны прэйскурант коштаў платных паслуг, праўда, яшчэ лютаўскі, з мінулага навучальнага года.

- Расцэнкі зацверджаныя аддзелам адукацыі, мы іх неўзабаве абновім на сайце. Удзел у платных групах - добраахвотны. Калі бацькі не хочуць платных груп, арганізуюцца бясплатныя.