Нацбанк скасаваў мэтавую куплю валюты
- 10.01.2018, 10:20
- 19,831
Пастанова ад 28 снежня 2017 года ўвойдзе ў дзеянне праз тры месяцы.
Нацыянальны банк скасоўвае абмежаванні ў мэтавай куплі замежнай валюты юрыдычнымі асобамі і індывідуальнымі прадпрымальнікамі, паведамляецца ў прэс-рэлізе рэгулятара.
Адпаведная норма замацаваная ў пастанове праўлення Нацбанка №538 ад 28 снежня 2017 года, якая ўваходзіць у дзеянне праз тры месяцы пасля яго афіцыйнага апублікавання.
Пастановай зацверджана новая рэдакцыя Інструкцыі аб парадку правядзення валютна-абменных аперацый, якой прадугледжаная ўстанаўленне аднолькавага парадку правядзення валютна-абменных аперацый, якія праводзяцца юрыдычнымі асобамі і ІП на ўнутраным валютным рынку.
Між іншым, юрыдычныя асобы-рэзідэнты змогуць купляць валюту па неабходнасці, якая вызначаецца імі самастойна. Не ўсталёўваюцца таксама тэрміны выкарыстання набытай замежнай валюты.
Аналагічны парадак здзяйснення валютна-абменных аперацый будзе дзейнічаць і для індывідуальных прадпрымальнікаў.
У адпаведнасці з новай Інструкцыяй пры куплі замежнай валюты юрыдычныя асобы і ІП абавязаны будуць указваць код напрамку выкарыстання пакупанай замежнай валюты. Пры гэтым указанне гэтых кодаў будзе насіць выключна статыстычны характар і не будзе абмяжоўваць выкарыстанне набытай валюты ў іншых напрамках.
Як раней паведамлялася, мэтавая купля замежнай валюты, то ёсць магчымасць прадпрыемстваў і ІП купіць валюту толькі на пэўныя мэты (для разлікаў з нерэзідэнтамі і да т.п.), у Беларусі дзейнічае з 1990-х. Пасля скасавання мэтавай куплі прадпрыемствы і індывідуальныя прадпрымальнікі змогуць купляць замежную валюту ў неабмежаваным аб'ёме і распараджацца ёю на сваё меркаванне.