Ля берагоў Кітая выбухнуў танкер з нафтай

Танкер гарэў цягам чатырох дзён.

Пра гэта ў сераду, 10 студзеня, паведамляе «Новое время» са спасылкай на Reuters.

Выбух адбыўся пасля таго, як выратавальныя брыгады паспрабавалі выкарыстоўваць пену для тушэння пажару на танкеры.

Ратавальнікі былі змушаныя адысці на бяспечную адлегласць пасля выбуху.

Нагадаем, танкер Санчы перавозіў нафту з Ірана ў Паўднёвую Карэю.

У ноч на нядзелю, 7 студзеня, ва Усходне-Кітайскім моры танкер сутыкнуўся з грузавым суднам Ганконга CF Crystal. У выніку аварыі танкер загарэўся.

На борце Санчы знаходзілася 136 000 тон таксічнага кандэнсату, звышлёгкай версіі сырой нафты.

Ва Усходне-Кітайскім моры паўстала пагроза экалагічнай катастрофы праз выцек нафты з танкера.

Дагэтуль прадаўжаецца пошук 31 чалавека з борта танкера. Ратавальнікі знайшлі аднаго з чальцоў экіпажа Санчы мёртвым.