Амерыканцы пабудавалі самы хуткі ў свеце браняваны электракар
3- 13.01.2018, 16:17
- 16,717
Да 100 кіламетраў на гадзіну аўтамабіль на электрычнасці разганяецца за 2,6 секунды.
Амерыканская кампанія Armormax пабудавала куленепрабівальны варыянт седану Tesla Model S P100D, які вытворца назваў самым хуткім браняваным аўтамабілем у свеце, паведамляе motor.ru. Кузаў машыны ўзмацнілі асаблівым валакном, які вытрымоўвае стрэл з буйнакалібернай вінтоўкі.
Для бранявання даху, дзвярэй, стоек і падлогі аўтамабіля выкарыстоўваецца ламінаванае сінтэтычнае валакно і тэрмічна апрацаваны балістычны сплаў. Стандартныя шыбы электракара замененыя на шматслаёвы з аргшкла з полікарбанатнай ламінацыяй. У кампаніі асабліва падкрэсліваюць, што не выкарыстоўвалі для бранявання агульнапрынятыя сталёвыя лісты.
У абсталяванне машыны таксама ўваходзяць узмоцненая падвеска, бяспечныя шыны RunFlat, абароненыя элементы сілавой устаноўкі. Пры гэтым маса дапрацаванага аўтамабіля ўсяго на 250 кілаграмаў большая за стандартны (2289 кілаграмаў).
Tesla Model S P100D абсталёўваецца двума электраматорамі, сумарная аддача якіх складае 773 конскія сілы і 967 Нм крутоўнага моманту. Да 100 кіламетраў за гадзіну электракар разганяецца за 2,6 секунды. Максімальная хуткасць - 250 кіламетраў за гадзіну.