Іранскі нафтавы танкер затануў праз 8 дзён пасля сутыкнення

Судна, якая гарэла цягам усяго часу пасля сутыкнення з кітайскім сухагрузам, затанула ў нядзелю.

Іранскі нафтавай танкер Sanchi, які гарэў больш за тыдзень пасля сутыкнення з сухагрузам з Ганконга, затануў. Пра гэта паведаміла ў нядзелю, 14 студзеня, кітайскае агенцтва "Сіньхуа", перадае DW.

Улады Ірана абвясцілі, што ўсе чальцы экіпажа Sanchi, сярод якіх было 30 іранцаў і 2 бангладэшцы, загінулі. Надзеі выявіць тых, хто выжыў не застаецца, паведаміў кіраўнік іранскай Арганізацыі партоў і суднаходства Махамад Растад. Паводле інфармацыі ўладаў, усе, хто знаходзіўся на борце, хутчэй за ўсё, загінулі адразу пасля сутыкнення праз магутны выбуху і выкід таксічнага газу. З моманту катастрофы ратавальнікам удалося знайсці ў моры целы трох загінулых.

Кітайскія ўлады не бачаць сур'ёзнай небяспекі нафтавага забруджвання

Раней прыродаахоўная арганізацыя "Грынпіс" папярэдзіла аб небяспецы забруджвання акіяна ля берагоў Кітая, у выпадку калі танкер затоне перш, чым на ім выгараць лёгкія нафтапрадукты. Аднак кітайскія ўлады заявілі, што сур'ёзнага забруджвання нафтай не прадбачыцца.

Іранскі танкер Sanchi, які плыў у Паўднёвую Карэю пад панамскім сцягам 6 студзеня сутыкнуўся з сухагрузам CF Crystal ва Усходне-Кітайскім моры. На борце танкера знаходзілася 136 тысяч тон нафты. Кітайскае судна не атрымала моцных пашкоджанняў, усе чальцы яго экіпажа - 21 чалавек - былі выратаваныя.