Google назваў пераможцу выбараў прэзідэнта РФ
6- 14.01.2018, 18:03
- 36,064
Выбары прэзідэнта Расеі пройдуць 18 сакавіка 2018 года.
У пошукавай выдачы Google на запыт «прэзідэнцкія выбары ў Расеі» ў правай частцы экрана дэманструецца кароткая даведачная інфармацыя пра галасаванне.
Пераможцам выбараў у гэтым блоку названы Уладзімір Пуцін, хоць да саміх выбараў яшчэ два месяцы, паведамляе «Медуза».
Тех, кто пойдёт даже Гугл будет считать идиотами. https://t.co/qKFjHXrraJ
— Alexey Navalny (@navalny) 14 января 2018 г.
З якой прычыны гэта адбываецца, незразумела. Такі ж вынік Google выдае на запыт «выбары 2018», «выбары прэзідэнта 2018» і некалькі іншых. На запыт «прэзідэнцкія выбары ў Расеі 2018, пераможца» Google першым вынікам паказвае блок, у якім гаворыцца, што перамог на галасаванні, якое яшчэ не адбылося, Уладзімір Пуцін.
Выбары прэзідэнта Расеі пройдуць 18 сакавіка 2018 года. Аб удзеле ў іх абвясцілі Уладзімір Пуцін, Уладзімір Жырыноўскі, Ксенія Сабчак і многія іншыя. Таксама пра намер абірацца абвяшчаў апазіцыйны палітык Аляксей Навальны, але яго ЦВК не дапусціў да выбараў праз судзімасці. Навальны сцвярджае, што гэтая пастанова незаконная.
