МУС: Расея і Беларусь будуць узаемна прызнаваць візы

Пагадненне ўвойдзе ў дзеянне ў першым квартале 2018 года.

Пагадненне паміж Беларуссю і Расеяй аб прызнанні віз запрацуе ў першым квартале 2018 года. Першы этап перамоў аб узаемным прызнанні віз ужо прайшоў у Расеі, другі раўнд плануецца правесці ў Беларусі.

"У выпадку прыняцця пагаднення, роўна як і іншых дакументаў аб Кароткатэрміновым знаходжанні замежных грамадзян на тэрыторыі Беларусі і Расеі, кампетэнтныя органы дзвюх краін наладзяць абмен інфармацыяй у онлайн-рэжыме аб выдадзеных i ануляваных візах", - патлумачыў начальнік Дэпартамента грамадзянства і міграцыі беларускага МУС Аляксей Бягун.