Стала вядома, якім будзе надвор'е ў найбліжэйшыя тры дні
4- 16.01.2018, 14:28
- 29,111
Заўтра на большай частцы тэрыторыі краіны чакаецца снег, завіруха.
17 студзеня варункі надвор'я на тэрыторыі Беларусі будзе вызначаць атмасферны фронт, які змяшчаецца з Заходняй Еўропы. Чакаецца воблачнае надвор'е, уначы з прасвятленнямі, паведамляе Гідрамет.
На большай частцы тэрыторыі краіны снег, завіруха. На асобных адцінках дарог галалёдзіца. Вецер паўднёва-ўсходні, паўднёвы ад сярэдняга да парывістага, уначы і раніцай у многіх раёнах, удзень на паўночным усходзе рэспублікі моцны парывісты. Тэмпература паветра мінімальная ўначы -6 ..-12°С, максімальная ўдзень -5..+1°С. Атмасферны ціск будзе інтэнсіўна падаць.
18 студзеня надвор'е ў краіне будзе вызначаць у асноўным вобласць паніжанага атмасфернага ціску, сфармаваная ў сырой сярэдняй прахалоднай паветранай масе. У асобных раёнах краіны пройдзе кароткачасовы снег, на дарогах чакаецца галалёдзіца. Тэмпература паветра мінімальная ўначы -2..-8°С, дзённы максімум тэмператур складзе -4..+1°С.
19 студзеня захаваецца ўплыў поля паніжанага атмасфернага ціску, у ранішнія гадзіны з тэрыторыі Польшчы чакаецца перамяшчэнне франтальнага падзелу. Уначы ў асобных раёнах, раніцай і ўдзень на большай частцы тэрыторыі рэспублікі пройдзе кароткачасовы снег. На асобных адцінках дарог галалёдзіца. У Берасцейскай вобласці месцамі чакаецца моцны парывісты вецер.
Тэмпература паветра ўначы апусціцца да -3..-8°С, на паўднёвым захадзе будзе не ніжэй -1..-2°С, максімальная тэмпература паветра ўдзень у асноўным будзе знаходзіцца ў межах 0..-5°С, на поўдні да +1°С.