Сталічныя ратавальнікі вызвалілі захраслага пад шапікам ката
12- 16.01.2018, 16:41
- 13,550
Жывёліна вырвалася з рук гаспадыні, схавалася пад шапік і засела там.
Сёння менскія ратавальнікі вызвалілі ката з-пад шапіка на вуліцы Матусевіча. Пра гэта распавяла афіцыйная прадстаўніца сталічнай управы МНС Вольга Мельчанка, піша tut.by.
Жанчына везла свайго ката ў ветэрынарную клініку, але на прыпынку на Матусевіча жывёліна вырвалася з рук, схавалася пад шапік і засела там. Гаспадыня патэлефанавала ў МНС.
- Паколькі ў гэты момант дапамога людзям не патрабавалася, ратавальнікі пад'ехалі і з дапамогай гідраўлічнага інструмента прыпаднялі шапік і змаглі дастаць ката, - распавяла Вольга Мельчанка.
Адзначым, такія выпадкі не ўваходзяць у кампетэнцыю ратавальнікаў і кожны такі званок разглядаецца індывідуальна. Зыходзячы з меркаванняў гуманізму і калі ў гэты момант дапамога людзям не патрабуецца, у МНС адгукаюцца на такія выпадкі.