Чаму Расея спрабуе наладзіць супрацоўніцтва з «Талібанам»
4- 16.01.2018, 20:41
- 12,518
Афіцыйна РФ працягвае называць «Талібан» тэрарыстычнай арганізацыяй.
«У снежні міністр замежных спраў Расеі Сяргей Лаўроў сказаў індыйскім дыпламатам, што Масква падтрымлівае дыпламатычнае супрацоўніцтва з «Талібанам», - піша аспірант у галіне міжнародных стасункаў Оксфардскага ўніверсітэта Сэмюэль Рамані ў артыкуле для The Washington Post (пераклад - inopressa.ru).
«Як Лаўроў апраўдвае гэтую адважную заяву? Ён заявіў, што мірнае ўрэгуляванне ў Афганістане немагчымае без удзелу «Талібану» і што дыялог з «Талібанам» знізіць рызыку распаўсюджвання тэрарызму з Афганістана ў Цэнтральную Азію», - гаворыцца ў артыкуле.
«Афіцыйна Расея працягвае называць «Талібан» тэрарыстычнай арганізацыяй. Аднак з 2007 года Масква неафіцыйна ўстанавіла дыпламатычныя кантакты з сябрамі «Талібану». Гэтая супярэчлівая палітыка з'яўляецца вынікам расейскага ўяўлення, што «Талібан» можна падзяліць на два асноўныя лагеры», - піша аўтар.
«Першы лагер складаецца з ўмераных сябраў, гатовых удзельнічаць у мірных перамовах і змагацца з міжнародным тэрарызмам. Другі лагер, наадварот, складаецца з абструкцыяністаў, якія імкнуцца падарваць аўтарытэт законнага ўрада Афганістана», - тлумачыць ён.
Асабліва расейцы імкнуцца да супрацоўніцтва з тымі групоўкамі ўнутры «Талібану», якія карыстаюцца значным палітычным уплывам у рэгіёнах з высокай канцэнтрацыяй баевікоў «Ісламскай дзяржавы» - і якія процідзейнічаюць наркатрафіку, сцвярджае Рамані.
«Са снежня 2016 года Масква рэгулярна праводзіла дыпламатычныя перамовы па развязанні палітычнага крызісу ў Афганістане», - гаворыцца ў артыкуле.
«ЗША адмовіліся ўдзельнічаць у гэтых перамовах праз нежаданне дыпламатычнага супрацоўніцтва з «Талібану». Тым не менш, пашырэнне гэтых перамоваў з трохбаковага саміту з удзелам Расеі, Кітая і Пакістана ў 2016 годзе да канферэнцыі 11 краін, у тым ліку цэнтральнаазіяцкіх дзяржаў, Ірана, Індыі і прадстаўнікоў Афганістана ў красавіку 2017 года, прадугледжвае, што стратэгія выбарчага супрацоўніцтва Масквы з «Талібанам» знаходзіць прызнанне», - адзначае аўтар.
«Пакістан заклікае ЗША ўзяць удзел у спробах супрацоўніцтва Расеі з «Талібану», у той час як Індыя імкнецца ліквідаваць разыходжанні ў пазіцыях ЗША і Расеі па Афганістане», - гаворыцца ў артыкуле.
«Карацей кажучы, селектыўнае супрацоўніцтва Расеі з умераным сябрамі «Талібану» кідае выклік стратэгіі перамоў ЗША ў адносінах да афганскай групоўкі баявікоў. І, актывізуючы мірнае ўрэгуляванне ў Афганістане і дамагаючыся міжнароднага прызнання дзякуючы свайму дыпламатычнаму супрацоўніцтву з «Талібанам», расейскія палітыкі могуць спрыяць умацаванню статусу Масквы як вялікай дзяржавы і незаменнага арбітра ў крызісных сітуацыях ва ўсім свеце», - заключае Рамані.