Пасля выканання «Пагоні» ўся філармонія ў Менску пляскала ў ладкі стоячы
60- 17.01.2018, 7:57
- 94,526
Музыкаў выклікалі на біс воклічамі «Жыве Беларусь!»
У Беларускай дзяржаўнай філармоніі 12 студзеня адбыўся канцэрт да дня нараджэння Уладзіміра Мулявіна, паведамляе nn.by.
Песенны цыкл «Вянок» прагучаў у Менску ўпершыню з 1991 года. Зала была перапоўненая.
Шлягеры «Песняроў» выконваў Нацыянальны акадэмічны народны аркестр імя І. Жыновіча. Дырыжор - Аляксандр Крамко, салісты - Іван Жанчак, Вячаслаў Ісачанка і Андрэй Коласаў.
Заканчваўся канцэрт легендарнай «Пагоняй». Пасля яе выканання Іванам Жанчаком зала пляскала ў ладкі стоячы.