Максім Мірны выйшаў у 2-е кола парнага разраду Australian Open
- 17.01.2018, 10:05
- 6,755
У стартавым матчы Мірны і Освальд узялі верх над італійска-ізраільскім дуэтам.
Беларус Максім Мірны разам з аўстрыйскім тэнісістам Філіпам Освальдам паспяхова пераадолелі першае кола мужчынскага парнага разраду на адкрытым чэмпіянаце Аўстраліі - першым у сезоне турніры Вялікага шалома з прызавым фондам 55 мільёнаў даляраў, паведамляе tut.by.
У стартавым матчы Мірны і Освальд узялі верх над італійска-ізраільскім дуэтам Томас Фабіяна/Дудзі Села - 7:6 (7:5), 3:6, 7:6 (7:4).
Беларус Андрэй Васілеўскі ў пары з чылійцаў Гансам Падліпнікам-Касцільё ў стартавым матчы згуляюць з аргентынскім дуэтам Гвіда Пелья/Дыега Шварцман.
У жаночым парным разрадзе беларуска Арына Сабаленка і расейка Вераніка Кудзярметава пачнуць турнір супраць дуэта Сарана Кырстя (Румынія)/Беатрыс Хадад Мая (Бразілія).
Нагадаем, што ў адзіночным разрадзе Арына Сабааленка (№66 рэйтынгу WTA) выступы ўжо закончыла, выбыўшы ў першым коле пасля сустрэчы з 17-й ракеткай свету Эшлі Барці з Аўстраліі.
Аляксандра Сасновіч (№56) 18 студзеня правядзе матч 2-га кола супраць харваткі Мір'яна Лучыч-Бароні (№30). У стартавым паядынку Сасновіч падолела амерыканку Крысціну Макхейл (№73).
