24 лютага 2018, Субота, 7:06
Рубрыкі

Відэафакт: У пойме Бярэзіны пад лёд праваліўся Jeep Grand Cherokee

4

Ратавальнікі выцягнулі машыну з дапамогай спецыяльнага абсталявання.

У Беларусі ўсталявалася марознае надвор'е, аднак лёд яшчэ ненадзейны. Паводле інфармацыі Таварыства ратавання на водах, пачынаючы з мінулай пятніцы на вадаёмах ужо загінулі як мінімум 8 чалавек, паведамляе «Онлайнер». Калі лёд не можа вытрымаць вагі чалавека, што ж казаць пра спробу праехаць па ім на машыне.

У МНС распавялі, што ўчора а 16:20 выратавальнікам паступіла паведамленне аб тым, што на лузе ў пойме Бярэзіны ля вёскі Затон Светлагорскага раёна засеў легкавы аўтамабіль.

- Было ўстаноўлена, што аўтамабіль Jeep Grand Cherokee 2012 года выпуску праваліўся пад лёд у ваду на глыбіню блізу паўметра, - растлумачылі ў МНС.

Ратавальнікі выцягнулі машыну з дапамогай спецыяльнага абсталявання. У выніку здарэння ніхто не пацярпеў.