Расейцы вывозяць грошы з краіны
5- 17.01.2018, 21:25
- 20,213
Чысты адток капіталу з Расеі ў 2017 годзе вырас да $31,3 млрд.
Чысты адток капіталу з Расеі за 2017 год вырас больш чым у 1,5 разы ў параўнанні з паказчыкамі 2016 года, вынікае з матэрыялаў Цэнтрабанка Расеі, паведамляе РБК.
«Чысты вываз капіталу прыватным сектарам, паводле ацэнкі Банка Расеі, склаў $31,3 млрд ($19,8 млрд у 2016 годзе)», - паведамляе рэгулятар.
У паведамленні ЦБ адзначаецца, што асноўнай крыніцай чыстага вывазу капіталу сталі аперацыі банкаўскага сектара ў скарачэнні замежных абавязанняў.
«Плыні капіталу, звязаныя з аперацыямі іншых сектараў, насілі ў цэлым узаемнакампенсуючы характар», - дадалі ў Цэнтрабанку.