Чаму Лукашэнку лепш не ехаць у Воршу
43- 18.01.2018, 8:50
- 129,104
Што думаюць жыхары горада пра сацыяльную палітыку ў Беларусі.
Пратэсты супраць так званага дэкрэта аб «дармаедах», якія ў мінулым годзе прайшлі ва ўсёй краіне, не засталіся па-за ўвагай не толькі ўладаў і сілавікоў.
«Рэгіянальнай падзеяй года» Асамблея няўрадавых арганізацый адзначыла менавіта аршанскую акцыю супраць дэкрэта №3. Уручыць дыплом кожнаму ахвотнаму ўдзельніку тых падзей у сваю чаргу надумалі на сходзе Аршанскай кааліцыі дэмакратычных сіл, гаворыцца ў рэпартажы «Белсату».
Журналісты апыталі жыхароў горада, як яны ставяцца да сацыяльнай палітыкі дзейнай улады.
«Я ўжо два гады беспрацоўны. У мяне трое дзяцей - як іх карміць?»
«Заробкі - ніякія. У мяне жонка працуе памочнікам выхавацелькі ў дзіцячым садку. Заробак - 20 рублёў. Хіба гэта заробак?»
«Атрымліваць шмат не выпадае», - падзяліліся жыхары Воршы набалелым з журналістамі.