Дзень кібаргаў: сёння ўшаноўваюць абаронцаў Данецкага аэрапорта
6- 20.01.2018, 15:54
- 15,331
Кібаргі гераічна абаранялі стратэгічны аб'ект 242 дні.
20 студзеня адзначаецца Дзень памяці абаронцаў Данецкага аэрапорта. У гэты дзень тры гады таму былі зруйнаваныя сцены Данецкага аэрапорта. Кібаргі гераічна абаранялі стратэгічны аб'ект 242 дні. За гэты час 200 украінскіх байцоў загінулі, яшчэ паўтысячы атрымалі раненні.
Аэрапорт абстрэльвалі з артылерыі, «Градаў», мінамётаў і танкаў, працавалі снайперы, піша unian.net.
Кібаргамі непакорных украінцаў назвалі самі тэрарысты. Маўляў, толькі робаты здольныя выстаяць у такіх нечалавечых варунках.
Аб нязломных кібаргах зняты мастацкі фільм, які выйшаў у 2017 годзе. Пасля кровапралітных баёў аэрапорт стаў сімвалам гераізму для ўсіх украінцаў.