Невядомыя ўчынілі напад на амбасаду Украіны ў Афінах
11- 20.01.2018, 17:09
- 11,699
Зламыснікі падпалілі чатыры аўто супрацоўнікаў дыпмісіі.
У выніку нападу на амбасаду Украіны ў грэцкіх Афінах невядомыя падпалілі аўто чацвярых супрацоўнікаў дыпустановы.
Пра гэта паведаміла спікер украінскага замежнапалітычнага міністэрства Мар'яна Беца, піша 112 Украина.
На месца інцыдэнту выклікалі брыгаду пажарных і паліцыю. За пасольствам ажыццяўляецца кругласутачнае назіранне.
"Мы не выключаем, што гэта рабілася радыкаламі пад уплывам Расеі. Дарэчы, першымі пра гэта паведамілі расейскія сайты ў Грэцыі", - удакладніла Беца.
Яна дадала, што найбліжэйшым часам міністр замежных спраў Украіны Павел Клімкін правядзе тэлефонную размову з міністрам Грэцыі.
Раней Клімкін паведаміў, што ў ноч з 19 на 20 студзеня будынак амбасады Украіны ў грэцкіх Афінах спрабавалі закідаць кактэйлямі Молатава. Пацярпелых няма.