«Калі ў мяне не было даходу, чаму я павінен плаціць?»

Праз запазычанасць ФСАН прадпрымальнік ледзь не страціў аўто і амаль стаў невыязным.

Берасцеец Уладзіслаў працуе індывідуальным прадпрымальнікам вось ужо некалькі гадоў. За гэты час у яго не раз ўзнікалі складанасці ў працы: то прасеў рынак, потым пайшлі неплацяжы. Бывалі месяцы, калі даходаў у яго, не было зусім, за іх ён застаўся вінны Фонду сацыяльнай абароны больш за 800 рублёў, піша a target="_blank" href=https://people.onliner.by/2018/01/20/predprinimatel-7>onliner.by.

- Я працую па спрошчанае сістэме падаткаабкладання і абавязаны выплачваць узносы ў ФСАН сумаю 35% ад мінімальнага заробку ў месяц (за мінулы год гэтая сума склала 989 рублёў. - Заўвага.), - кажа мужчына. - Займаўся грузаперавозкамі, але ў 2014-2015 годзе быў спад у гэтай галіне, аб'ёмы рэзка ўпалі. Даводзілася месяцамі чакаць аплаты, закладваць свае грошы, каб неяк жыць і працаваць. Увогуле, усё неяк як снежны ком навалілася. Вырашыў мяняць сферу, пайшоў у гандаль: стаў працаваць гандлёвым прадстаўніком па дамове падраду. Тут таксама былі праблемы са своечасовай аплатай працы. Зноў пайшлі месяцы застою. Так за два гады ў мяне з'явілася больш за 800 рублёў запазычанасці па адлічэнні ў ФСАН плюс пайшла пеня.

Мужчына кажа, што спрабаваў размаўляць з кіраваннем ФСАН Берасцейскай вобласці: яму прапанавалі адтэрміноўку на некалькі месяцаў альбо другі варыянт - прыпыніць дзейнасць.

- Потым я даведаўся, што прыпыненне дзейнасці ІП не вызваляе мяне ад выплаты ўзносаў у ФСАН, - кажа Уладзіслаў. - Як толькі я аднаўлю дзейнасць - мне давядзецца выплаціць усё да капейкі за той перыяд, на які я прыпыняўся. Ну ці варыянт закрыць ІП, але гэтага з аб'ектыўных прычын зрабіць не мог. Агулам да студзеня гэтага года ў мяне вісела вось гэта запазычанасць 820 рублёў. Па Беларускі заканадаўству, калі я не заплачу яе, то мяне не выпусцяць з краіны ці нават арыштуюць аўтамабіль, без якога я не магу працаваць. Але я ж не вінаваты ў тым, што сітуацыя ў краіне складаная.

У вынікі мужчына ўзяў пазыку ў сяброў і выплаціў запазычанасць. Цяпер чакае калькуляцыю пені. Кажа, што там таксама немаленькая сума.

- Ведаеце, што мяне ва ўсёй гэтай гісторыі больш за ўсё абурае? Бо калі ты працуеш па найму і цябе раптам звальняюць, ты можаш месяцамі шукаць новае месца і ніхто не патрабуе ад цябе выплаты узносаў у ФСАН. Чаму не можна зрабіць для ІП гэтак жа: няма даходаў - не плаці. Чаму такая несправядлівасць?

Што кажа ФСАН?

Начальніца ўпраўлення метадалогіі збору плацяжоў і прафесійнага Пенсійнага страхавання Фонду сацыяльнай абароны насельніцтва Міністэрства працы і сацыяльнай абароны Алена Хлус адзначае: зададзеныя прадпрымальнікам пытанні звязаны з развіццём заканадаўства на перспектыву і не датычацца дзейнага парадку выплаты ўзносаў у ФСАН.

- Улічваючы, што пытанні з нагоды выплаты ФСАН з боку ІП падымаюцца і абмяркоўваюцца, прапрацоўваюцца пытанні па змяненні асобных яго палажэнняў, рыхтуецца адпаведны праект указа, дату ўступлення ў дзеянне якога пакуль складана вызначыць, - патлумачыла Алена Хлус. - Але гэта толькі планы, а ў рэальнасці трэба разумець, што за 2017 г. тэрмін выплаты мінае 1 сакавіка 2018 года.

Даход для вылічэння ўзносаў вызначаецца прадпрымальнікам самастойна, але пры гэтым яго сума не павінна быць меншая за суму мінімальнага заробку. Варта адзначыць, што нішто не перашкаджае прадпрымальніку ўносіць плацяжы цягам года і не назапашваць усю суму да 1 сакавіка. Мінімальная аплата за поўны каляндарны год складае 1113,00 руб.

У дачыненні да тых асоб, якія маюць льготы ў выплаце ўзносаў (наяўнасць працоўных стасункаў, з'яўляецца ўласнікам і кіраўніком юрыдычнай асобы, догляд дзіцяці да 3 гадоў, навучанне, прыпыненне дзейнасці ў выпадках знаходжання ў войску, месцах пазбаўленне волі, вынясення прысуду аб пазбаўленні права займацца прадпрымальніцкай дзейнасцю), сума ўзносаў разлічваецца з улікам гэтых перыядаў. Пры гэтым прадпрымальнікі павінны патурбавацца пра своечасовую падачу звестак у органы фонду па месцы пастаноўкі на ўлік (паводле заканадаўства гэта з'яўляецца іх абавязкам). Па тых прадпрымальніках, якія падалі заяву на спыненне дзейнасці ў рэгіструючы орган, унёскі разлічваюцца да названай у заяве даты яе спынення.

У выпадку нявыплаты ўзносаў у тэрмін, пачынаючы з 2 сакавіка фармуецца запазычанасць, якая ў абавязковым парадку падлягае спагнанню органамі фонду. Па кожнаму дню пратэрміноўкі налічваецца пеня. Пры гэтым трэба разумець, што запазычанасць, якая ўтварылася за мінулыя гады, павінна быць таксама выплачаная ў фонд.

У дадатак хацелася б адзначыць, што прадпрымальніцкая дзейнасць ажыццяўляецца на свой страх і рызыку (арт. 1 Грамадзянскага кодэкса). Мяркую, што мінімізаваць гэтыя рызыкі, у тым ліку звязаныя з выплатай падаткаў, узносаў і інш. плацяжоў, магчыма толькі пры ўмове, што вы добра арыентуецеся ў дзейным заканадаўстве.

Хацелася б проста нагадаць, што выплата ўзносаў у ФСАН - гэта гарантыя сацыяльнай абароненасці грамадзяніна пры аплаце дапамог па часовай непрацаздольнасці і асобных відаў дапамог сем'ям, якія выхоўваюць дзяцей, і, вядома, будучая пенсія. Сёння права на працоўную пенсію маюць грамадзяне, у якіх працягласць перыяду выплаты ўзносаў у ФСАН не меншая за 16 з паловай гадоў, у 2025 году - 20 гадоў. У адваротным выпадку пенсію па ўзросце не прызначаць. Грамадзянін зможа толькі разлічваць на атрыманне сацыяльнай пенсіі.