У свеце істотна ўзрасла колькасць мільярдэраў

82 адсоткі заробленых у 2017 годзе сродкаў сышло ў кішэні самых багатых людзей свету.

Вырасла таксама і агульная колькасць мільярдэраў у свеце, гаворыцца ў дакладзе Oxfam, паведамляе dw.com.

Капітал, зароблены ва ўсім свеце ў 2017 годзе, сышоў у рукі найбольш багатых людзей. Як вынікае з даследавання міжнароднага аб'яднання арганізацый барацьбы з беднасцю Oxfam, 82 адсоткі "новых" заробленых сродкаў у свеце сышлі ў мінулым годзе на рахункі самых забяспечаных людзей, якія складаюць блізу 1 адсотка насельніцтва. Даклад быў апублікаваны ў панядзелак, 22 студзеня.

3,7 мільярда людзей, якія складаюць найбольш бедную частку сусветнага насельніцтва, наогул нічога не атрымалі ад глабальнай павялічанага прыбытку. Пры гэтым з 2016 да 2017 года колькасць мільярдэраў беспрэцэдэнтна вырасла. Са звестак Oxfam, новы мільярдэр з'яўляўся ў сярэднім кожныя два дні. Усяго ў свеце налічваецца 2 043 чалавекі, якія ўважаюцца за мільярдэраў. "Бум мільярдэраў кажа не пра росквіт эканоміцы, а пра крах эканамічнага парадку", - заявіла дырэктарка Oxfam Віні Бьяньіма.

Кіраўнік кампаніі Oxfam у Нямеччыне Ёрг Калінскі (Jörg Kalinski) раскрытыкаваў гэтую сітуацыю. "Багатая меншасць у масавым парадку ўплывае на палітычныя пастановы і ў безадказнай манеры скарачае выдаткі - асабліва заробкі і падаткі - каб павялічваць даходы акцыянераў", - сказаў Калінскі. Oxfam запатрабавала спыніць практыку падатковага ўхілення для канцэрнаў і самых багатых людзей, увядзення больш справядлівых даходаў для мужчын і жанчын, а таксама заклікала займацца інвестыцыямі ў адукацыю і здароўе "для ўсіх".