Як выглядае менская кватэра за $1 мільён
16- 22.01.2018, 12:30
- 38,194
Пентхаус у доме на Кісялёва – трэцяя коштам кватэра ў Менску.
На партале Realt.by з'явілася інфармацыя пра кошт некаторых кватэр у доме на вуліцы Кісялёва ў Менску. Дазвол на будаўніцтва ТДА «Вытворча-інвестыцыйная група» атрымала яшчэ ў 2005 годзе, але здадзены ў эксплуатацыю дом быў толькі ў 2016 годзе.
Як паведамляе прадавец, сёння кошт квадратнага метра ў доме складае ад $1700 да $2000. А за пентхаус плошчай 600 кв м давядзецца выкласці як мінімум мільён даляраў.
Яшчэ столькі ж давядзецца выдаткаваць на аздабленне вялізнага жылога памяшкання, мяркуе агенцтва нерухомасці, якое займаецца продажам кватэр у гэтым доме.
Прапануем убачыць, як выглядае той самы пентхаус за мільён даляраў.
У кватэры свабодная планіроўка. Але ўжо цяпер тут ёсць тры спачывальні (кожная з санвузлом), кабінет, зала плошчай 200 кв м, гардэробныя. З кожнага пакоя ёсць выхад на велізарную тэрасу плошчай 40 кв. м.
Любавацца можна вось такімі краявідамі:
Пентхаус у доме на Кісялёва - трэцяя коштам кватэра ў Менску.
Самае дарагое жытло знаходзіцца на вуліцы Масквіна, за яго просяць $1,35 мільёна. Плошча кватэры - 186 м2
Ёсць яшчэ кватэра ў «доме Чыжа» на Старажоўскай вуліцы - $1,27 мільёна за 211 квадратных метраў.