У Беларусі трэснуў чарговы мост

У Наваполацку закрылі Калінінскі мост праз Заходнюю Дзвіну для праезду цяжкага транспарту.

Кіроўцы астатніх машын павінны выконваць дыстанцыю ў 70 метраў, піша tut.by.

На мосце з'явіліся расколіны шырынёй блізу 0,3 мм. Яны размешчаныя папярок пераправы. Спецыялісты думаюць, што канструкцыя не ўпадзе, але мост чакае складаны рамонт. Праблема, кажуць, у самой тэхналогіі: вонкі ля моста жалезабетонная канструкцыя, арміраваная сталлю, а ўнутры - пустата.

Адсюль і назва - «каробчаты метад будаўніцтва». Савецкае ноў-хаў, пра якое пісалі ў падручніках і здымалі кіно. Метад быў хуткім і танным: пустыя жалезабетонныя скрынкі нанізвалі, быццам каралі на ліны, замацоўвалі на асновах мастоў. Праўда, ужо нават тады не казалі, што гэта назаўжды.

Учора, нагадаем, праблему моста праз Прыпяць, які трэснуў у снежні, і яшчэ чатырох яго «братоў», пабудаваных каробчатым спосабам больш за 25 гадоў таму, абмяркоўвалі экспэрты.

З пяці мастоў такой канструкцыі ў Беларусі трэснулі ўсё. Адзін з іх - праз Бярэзіну каля Бабруйска, рэканструявалі. На мосце праз Прыпяць пад Жыткавічамі рух цалкам спынілі, на мосце праз Сож у Гомелі ўвялі абмежаванні ў грузападымальнасці транспарту. Праблемы ёсць і ў гарадскога моста ў Бабруйску.