МЗС Казахстана агучыў умовы пераносу перамоваў з Менска ў Астану

«Менскія перамовы» могуць быць прадоўжаныя ў Астане.

Казахстан разгледзіць магчымасць правядзення перамоў для ўрэгулявання канфлікту на ўсходзе Украіны на сваёй тэрыторыі, калі адпаведны зварот паступіць, паведаміў намеснік міністра замежных спраў рэспублікі Яржан Ашыкбаеў.

«Калі бакі канфлікту вызначаць звярнуцца, то мы разгледзім гэты зварот адпаведным чынам», - цытуе намеснік кіраўніка МЗС Казахстана РІА «Новости».

Са слоў Ашыкбаева, Казахстан не ўмешваецца ў перамоўны працэс, бо «гэта справа, перш за ўсё, бакоў».

«Казахстан заўсёды гатовы надаць неабходнае садзейнічанне для знаходжання шляхоў развязання. Безумоўна, падкрэсліваю: ці будзе зварот, ці не будзе, - гэта справа бакоў канфлікту», - падкрэсліў дыпламат, адказваючы на пытанне аб тым, ці мае намер Казахстан чакаць адпаведнага звароту.