Збеглага бізнэсоўца Юрыя Авяр'янава затрымалі ў Берліне
36- 23.01.2018, 16:57
- 69,902
Ён быў абвешчаны ў міжнародны вышук.
Некалькі дзён таму ў Нямеччыне затрымалі бізнэсоўца Юрыя Авяр'янава. Пра гэта kp.by паведаміла крыніца. Інфармацыю пацвердзілі ў Генеральнай пракуратуры.
- У кастрычніку 2017 у Нямеччыну быў накіраваны пакет дакументаў на выдачу гэтага грамадзяніна, і сапраўды 18 студзеня ён быў затрыманы, а 21-га ўзяты пад варту з мэтай выдачы. Экстрадыцыйная справа распачатая. Былі ўжытыя захады, каб ён не схавалася ад праваахоўных органаў, - паведаміў афіцыйны прадстаўнік Генеральнай пракуратуры Дзмітрый Брылёў.
Старшыня Следчага камітэта Іван Наскевіч у кастрычніку распавядаў журналістам, што Юрый Авяр'янаў абвешчаны ў міжнародны вышук. Яго падазраюць ва ўхіленні ад выплаты падаткаў.
- Там было некалькі фірмаў, некалькі спраў, аб'яднаных у адну, і канчатковая сума пакуль яшчэ не звярстаная, - пракаментаваў тады Іван Наскевіч.
Следчы камітэт прыняў да разгляду крымінальную справу ў дачыненні да Авяр’янава і іншых кіраўнікоў камерцыйных структур за ўхіленне ад выплаты падаткаў яшчэ ў верасні. Пад варту былі ўзятыя шэсць чалавек - у тым ліку дырэктар ЗАТ «Гандлёвы свет - «Кальцо» і ТАА «Парк забаў «Дрымлэнд», кіраўнік Madison Royal Club і іншыя. Авяр’янава сярод затрыманых не было.
Юрый Авяр'янаў - бізнэсовец, вядомы як заснавальнік парку атракцыёнаў «Дрымлэнд», сузаснавальнік боўлінг-цэнтра і танцавальнага клуба Madison Club, клуба «Бліндаж».